நடைப் பயிற்சி

நடைப் பயிற்சி
_______________________


ப்ரஷர் இன்னமும் இருக்கு
எடை குறையனும்
நடைப் பயிற்சி செய்யுங்க
மாத்திரை எடுத்துக்குங்க
டாக்டர் சொன்னார்..
நடக்கத் தொடங்கினேன்

டாக்டர் செலவோடு
நடைப் பயிற்சிக்கு
ஷீ, சாக்ஸ்,வெள்ளை நிறத்தில்
டீ ஷர்ட் பேண்ட்
வாங்கிய வகையில்
மேலும் ஓராயிரம்
கை காசு கரைந்தது

காலை நடைப் பயிற்சியில்
பயணத்தின் குறுக்கில்
எங்களூர் இடுகாடு வந்தது
சிநேகமாய் பார்த்தது.
இடப்பிரச்னையில்
என் வரவை
அது விரும்பவில்லையோ
அல்லது பிணங்களைப் பார்த்துப் பார்த்து
அதற்கும் சலிப்போ?

தினம் நிகழ்ந்த நடைப் பயிற்சி
ஒருநாள் சலித்தது.
மாலையில் வரவேற்ற இடுகாடு சொன்னது:

காலையில் வந்திருக்கலாம்
வந்திருந்தால்
இப்போது வர அவசியம் நேர்ந்திருக்காது.